Um 300 manns bólusettir í Eyjum í þessari viku

Guðný Bogadóttir, yfirhjúkrunarfræðingur heilsugæslu Vestmannaeyja segir í samtali við Eyjar.net að um 300 manns verði bólusettir í þessari viku í Vestmannaeyjum. Hún segir að að þessari bólusetningu lokinni verði um 1400 bólusettir í Eyjum. Guðný segir að sumir séu nú að fá sína aðra sprautu.

Þessu tengt: Gildandi sóttvarnaráðstafanir framlengdar um viku

Fram kom í tilkynningu frá heilsugæslu HSU í Vestmannaeyjum í gær að hluti einstaklinga með undirliggjandi sjúkdóma fái í dag fyrsta skammt af bóluefni og hluti fólks verður bólusettur með seinni skammti af Pheizer. Á morgun verður haldið áfram með hóp með undirliggjandi sjúkdóma sem fá fyrsta skammt af Astra Zenica bóluefni.