Markmiðið að halda áfram því góða starfi sem unnið er á Hraunbúðum

Svona hefst pistill Díönu Óskarsdóttur, forstjóra HSU sem birtist á heimasíðu HSU. Þar segir jafnframt að með tilkomu Hraunbúða stækki þjónustusvið HSU í Vestmannaeyjum. 

„Við fögnum því að fá starfsfólk Hraunbúða í okkar raðir. Það er sönn ánægja að fá tækifæri til að vinna með þessum öfluga hópi og á sama tíma sjáum við fram á skemmtilega tíma með íbúum Hraunbúða.

Framkvæmdastjórn HSU hefur sett sér það markmið að halda áfram því góða starfi sem unnið er á Hraunbúðum. Við sjáum tækifæri í rekstrinum með samlegðaráhrifum og samvinnu stórrar einingar og erum við bjartsýn á að það eigi eftir að styrkja þjónustuna á heimilinu.” segir Díana.