Tæp 38% fullorðinna hafa fengið bólusetningu

30.Apríl'21 | 14:25
20210428_134701

Myndin er tekin þegar fjölmenn bólusetning var hér í Eyjum nú í vikunni. Ljósmynd/TMS

Um 109.000 manns voru í lok gærdagsins búnir að fá a.m.k. fyrri sprautuna af bóluefni gegn COVID-19 sem er um 37,5% af þeim hópi sem áætlað er að bólusetja hér á landi. 

Þessi árangur uppfyllir markmið afléttingaráætlunar stjórnvalda og gott betur, þar sem gert er ráð fyrir að fyrri hluta maímánaðar verði hægt að taka skref til afléttingar ef a.m.k. 35% bólusetningarhópsins hefur fengið fyrri bólusetningarsprautuna. Heilbrigðisráðherra kynnti framvindu bólusetninga við COVID-19 á fundi ríkisstjórnarinnar í dag.

Heilbrigðisráðherra kynnti tillögu stjórnvalda um afléttingu innanlandstakmarkana í áföngum 27. apríl síðastliðinn og er hún nú til umsagnar í samráðsgátt stjórnvalda. Áætlunin er í fjórum skrefum og tekur mið af framgangi bólusetningar en er jafnframt birt með fyrirvara um mat sóttvarnalæknis á aðstæðum og stöðu faraldursins á hverjum tíma.

Núgildandi reglugerð um takmarkanir á samkomum vegna farsóttar gildir til og með 5. maí nk. Sóttvarnalæknir hyggst senda tillögur sínar um framhald sóttvarnaaðgerða til heilbrigðisráðherra á næstu dögum með hliðsjón af framvindu faraldursins.

Búið er að bólusetja yfirgnæfandi meirihluta þeirra sem eru 60 ára og eldri og hluta fólks með undirliggjandi sjúkdóma. Rétt er að taka fram að það getur tekið um tvær vikur fyrir bóluefnið að ná fullri virkni og sú vernd sem fyrri skammtur gefur fólki er því ekki að fullu komin fram hjá öllum þessum hópi.

Áætlað er að bólusett verði með 20.000 til 30.000 skömmtum í næstu viku, þ.e. 3.-7. maí næstkomandi, segir í frétt á vef Stjórnarráðs Íslands.

Tags

COVID-19

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Tungumálafólk óskast til vinnu sem túlkar

10.Maí'21

Alþjóðasetur leitar að fólki í Vestmannaeyjum til starfa sem túlkar.  Góð kunnátta á móðurmáli og íslensku er skilyrði, auk góðrar færni í mannlegum samskiptum, stundvísi, háttvísi og trúnaður.  Starfið er unnið í verktöku og ráðast laun af fjölda verkefna. Vinnutími er frjáls og sniðinn að óskum hvers og eins.  Boðið er upp á gjaldfrjálst starfsþjálfunarnámskeið áður en störf hefjast. Umsókn ásamt ferilskrá sendist á asetur@asetur.is  

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Fasteignasalan Eldey

11.Maí'21

Eldey fasteignasala.  Sími 861-8901.  Arndís M. Kjartansdóttir löggiltur fasteignasali.  Goðahrauni 1.  disa@eldey.net.  Lægsta söluþóknunin í Eyjum, 1 % fyrir einkasölu.