Framtíðarsýn íþróttamála enn í vinnslu

23.Apríl'21 | 08:30
yngri_flokkar_ibvsp

Tilgangur starfshópsins var að koma með framtíðarsýn hvað varðar rekstur, uppbyggingu og skipulag í íþróttamálum til næstu 10 ára. Ljósmynd/ÍBV

Framtíðarskipulag og uppbygging íþróttamála í Vestmannaeyjum, var til umfjöllunar á fundi fjölskyldu- og tómstundaráðs Vestmannaeyja síðastliðinn miðvikudag.

Á 1545. fundi bæjarstjórnar Vestmannaeyja var staðfestur vilji fjölskyldu- og tómstundaráðs frá 25. mars 2019 að stofna starfshóp, með aðkomu ÍBV Héraðssambands, til að ræða framtíðarsýn í uppbyggingu, rekstri og skipulagi íþróttamála í Vestmannaeyjum.

Tilgangur starfshópsins var að koma með framtíðarsýn hvað varðar rekstur, uppbyggingu og skipulag í íþróttamálum til næstu 10 ára. Markmið starfshópsins var að leggja fram fyrir fjölskyldu- og tómstundaráð tillögur um forgangsröðun verkefna, tímasetja þau og kostnaðarmeta. Það er svo hlutverk fjölskyldu- og tómstundaráðs í framhaldinu að vinna með niðurstöður og leggja fyrir bæjarstjórn tillögu um framtíðarsýn í íþróttamálum til lengri tíma.

Langt liðið frá upphafi vinnunnar

Í afgreiðslu ráðsins segir að ráðið þakki starfshópnum fyrir gott starf. Þar sem langt er liðið frá upphafi vinnunnar og vegna aðstæðna í samfélaginu felur ráðið framkvæmdastjóra og íþrótta- og tómstunda- og æskulýðsfulltrúa að fara yfir breytingar sem hafa orðið á þessu tímabili og gefa íþróttafélögum tækifæri á að koma með athugasemdir. Ráðið tekur svo afstöðu þegar þeirri vinnu er lokið.

Gera athugasemd við að starfshópurinn hafi ekki haldið fundargerðir

Í bókun frá Gísla Stefánssyni og Esther Bergsdóttur segir að fulltrúar Sjálfstæðisflokksins fagni því að farið sé í samantekt sem þessa og lýsa ánægju sinni með það öfluga íþróttastarf sem Vestmannaeyjar búa yfir. Við gerum þó athugasemd við að starfshópurinn sem fór með þetta verkefni hafi ekki haldið fundargerðir á fundum sínum. Það er hagur allra að hægt sé að skjalfesta mismunandi sýnir á verkefnin með bókunum og hefur fulltrúi okkar í hópnum gert athugasemdir við að það hafi ekki verið mögulegt.

Skýrslan samþykkt án athugasemda

Í bókun Helgu Jóhönnu Harðardóttur, Hrefnu Jónsdóttur og Hafdísi Ástþórsdóttur, fulltrúm E og H lista segir að viðkomandi hefði getið bókað í lokaorðum skýrslunnar. Hann samþykkti skýrsluna án athugasemda.

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Fasteignasalan Eldey

11.Maí'21

Eldey fasteignasala.  Sími 861-8901.  Arndís M. Kjartansdóttir löggiltur fasteignasali.  Goðahrauni 1.  disa@eldey.net.  Lægsta söluþóknunin í Eyjum, 1 % fyrir einkasölu. 

Tungumálafólk óskast til vinnu sem túlkar

10.Maí'21

Alþjóðasetur leitar að fólki í Vestmannaeyjum til starfa sem túlkar.  Góð kunnátta á móðurmáli og íslensku er skilyrði, auk góðrar færni í mannlegum samskiptum, stundvísi, háttvísi og trúnaður.  Starfið er unnið í verktöku og ráðast laun af fjölda verkefna. Vinnutími er frjáls og sniðinn að óskum hvers og eins.  Boðið er upp á gjaldfrjálst starfsþjálfunarnámskeið áður en störf hefjast. Umsókn ásamt ferilskrá sendist á asetur@asetur.is