Vaxandi ölduhæð í kortunum

14.Apríl'21 | 10:29
IMG_8836

Herjólfur. Ljósmynd/TMS

Í dag verður sunnan og suðvestan 8-13, skýjað og dálítil rigning á Suðurlandi. Gengur í suðaustan 13-20 með rigningu í nótt, jafnvel talsverð á köflum. Hægari og úrkomuminna annað kvöld. Hiti 5 til 10 stig yfir daginn.

Þetta segir í nýjustu spá Veðurstofu Íslands fyrir Suðurland. Samhliða hvassvirðinu sem er í vændum er gert ráð fyrir að ölduhæð fari vaxandi. Við Landeyjahöfn er gert ráð fyrir að ölduhæð verði komin í 3 metra um hádegi á morgun.

Gert er ráð fyrir að ölduhæðin fari yfir 4 metra annað kvöld, og er gert ráð fyrir ölduhæð um og yfir 4 metrum næstu daga.

Skjáskot/Vegagerðin.

 

Veðurhorfur á landinu næstu daga

Á föstudag:
Sunnan og suðvestan 8-15, en heldur hægari vindur seinnipartinn. Væta með köflum, en þurrt á Norður- og Austurlandi. Hiti frá 4 stigum vestast á landinu, upp í 13 stig á norðausturhorninu.

Á laugardag:
Sunnan 5-10 og skúrir, en áfram þurrt á Norður- og Austurlandi. Hiti 3 til 9 stig. Breytileg átt um kvöldið, dálítil rigning eða slydda víða um land og kólnar heldur.

Á sunnudag og mánudag:
Suðvestanátt með skúrum eða éljum, en léttskýjað norðaustan- og austanlands. Hiti 1 til 5 stig að deginum.

Nánar um veðrið.

Fasteignasalan Eldey

11.Maí'21

Eldey fasteignasala.  Sími 861-8901.  Arndís M. Kjartansdóttir löggiltur fasteignasali.  Goðahrauni 1.  disa@eldey.net.  Lægsta söluþóknunin í Eyjum, 1 % fyrir einkasölu. 

Tungumálafólk óskast til vinnu sem túlkar

10.Maí'21

Alþjóðasetur leitar að fólki í Vestmannaeyjum til starfa sem túlkar.  Góð kunnátta á móðurmáli og íslensku er skilyrði, auk góðrar færni í mannlegum samskiptum, stundvísi, háttvísi og trúnaður.  Starfið er unnið í verktöku og ráðast laun af fjölda verkefna. Vinnutími er frjáls og sniðinn að óskum hvers og eins.  Boðið er upp á gjaldfrjálst starfsþjálfunarnámskeið áður en störf hefjast. Umsókn ásamt ferilskrá sendist á asetur@asetur.is  

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...