Hátt í 500 manns verða bólusettir í dag

Þetta segir í tilkynningu frá HSU í Eyjum. Fer bólusetningin fram í gamla íþróttasalnum í Íþróttamiðstöðinni. Þar mun heilbrigðisstarfsfólk eiga auðveldara með að forðast of þétta hópa og halda fjarlægðartakmörk auk þess sem fólk þarf að hinkra í nokkrar mínútur áður en það fer heim eftir sprautuna.

Bólusett verður með AZ og Pfizer samkvæmt fyrirmælum sóttvarnarlæknis. Ekki er mögulegt að óska eftir ákveðinni tegund, segir í tilkynningunni.

Áætlað er að ljúka við að bólusetja aldurshópana 70+, og fólk í öðrum forgangshópum eins og slökkvilið og heilbrigðisstarfsfólk. Einnig hefst bólusetning í hópnum 65 ára og eldri með undirliggjandi sjúkdóma.

Þá segir í tilkynningunni að fólk fái boðun í bólusetningu og einhverjir gætu fengið boð þegar líður á daginn.