Hlaðvarpið - Aníta Óðinsdóttir

25.Mars'21 | 14:14

Í fjórða þætti er rætt við Anítu Óðinsdóttur um líf og störf. Aníta starfar sem lögfræðingur í Vestmannaeyjum og ræðir hún við okkur um líf sitt frá æsku fram að deginum í dag.

Í seinni hluta þáttarins fáum við að hlusta á viðtal sem Þremenningarnir úr stjórn Vestmannaeyjafélagsins Heimaklettur tóku upp á árunum 1953-1954. Viðtalið sem við fáum að heyra nú er við Jórunn Fríður Lárusdóttir frá Búastöðum sem var fædd 17. apríl 1880 og lést 6. október 1959. Í viðtalinu lýsir Fríður, eins og hún var alltaf kölluð, lífinu hér í Vestmannaeyjum hér á árum áður.

Endilega fylgið okkur á Facebook, Instagram og Twitter undir nafninu Vestmannaeyjar – mannlíf og saga.

Mannlíf og saga er hlaðvarp/podcast. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Einnig er hlaðvarpið á samfélagsmiðlunum Facebook, Instagram og Twitter.

Það eru þau Alma Eðvaldsdóttir, Hinrik Ingi Ásgrímsson og Snorri Rúnarsson sem standa á bakvið hlaðvarpið og er það byggt uppá viðtali við fólk sem tengist Eyjum á einn eða annan hátt.

Rætt er við fólk um líf þeirra og störf. Eftir viðtalið er síðan smá sögubrot úr Eyjum sem starfsfólk Bókasafns Vestmannaeyja er búið að taka saman.