Finna fyrir vilja til að halda áfram góðri þjónustu

Eyjar.net fékk ábendingu um að m.a. væri óvissa með dagvistina sem boðið hefur verið uppá á Hraunbúðum.

Jón Pétursson, framkvæmdastjóri fjölskyldu- og fræðslusviðs Vestmannaeyja segir viðræður um tilfærslu á verkefninu til ríkisins séu í gangi og enn séu nokkrir óvissuþættir þ.m.t. dagvistin. „Samtal er hafið við HSU og finnum við fyrir vilja þar til að halda áfram góðri þjónustu. Dagvistin verður áfram hvort heldur í höndum Vestmannaeyjabæjar eða HSU.” segir Jón.