Skapar aukið álag fyrir nemendur, kennara og skólastjórnendur

19.Mars'21 | 11:08
born_skoli

Fræðsluráð Vestmannaeyja leggur ríka áherslu á að kerfið sem notað verði við samræmd próf verði sem fyrst tekin til gagngerrar endurskoðunar. Ljósmynd/úr safni

Á fundi fræðsluráðs Vestmannaeyja í vikunni voru umræður um samræmd próf í 9. bekk.

Í íslenskuprófinu, sem var þann 8. mars sl., komu upp tæknileg vandamál í mörgum skólum sem gerðu það að verkum að margir nemendur misstu tengingu við prófið og þurftu að endurræsa og fara aftur inn. Í GRV náði tæplega 1/3 hluti nemenda að ljúka við prófið án teljandi vandkvæða en aðrir nemendur misstu tenginu við prófið og sumir ítrekað. Menntamálastofnun tók ákvörðun síðar þann 8. mars, í samráði við menntamálaráðuneytið, að fresta samræmdum prófum í stærðfræði og ensku.

Nemendum stendur til boða að taka könnunarpróf á næstunni á pappírsformi

Skólunum var gefinn sá kostur að leggja öll þrjú prófin fyrir á tveggja vikna tímabili frá 15.-26. mars nk. í þeim tilgangi að dreifa álagi á prófakerfið. Það var svo þann 11. mars sem menntamálaráðherra ákvað að aflýsa prófunum enda ekki hægt að tryggja að fyrirlögn prófanna myndi ganga snuðrulaust fyrir sig. Nemendum stendur þó til boða að taka könnunarpróf á næstunni á pappírsformi, segir í fundargerðinni.

Óásættanlegt að við framkvæmd samræmdra prófa sé ítrekað notast við óviðunandi prófakerfi

Fram kemur í afgreiðslu ráðsins að ráðið þakki yfirferðina og lagði ráðið fram eftirfarandi bókun:

Fræðsluráð Vestmannaeyja leggur ríka áherslu á að kerfið sem notað verði við samræmd próf verði sem fyrst tekin til gagngerrar endurskoðunar. Það er óásættanlegt að við framkvæmd samræmdra prófa sé ítrekað notast við óviðunandi prófakerfi sem skapa aukið álag fyrir nemendur, kennara og skólastjórnendur.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).