Fréttatilkynning frá kjörstjórn VG - Suðurkjördæmi

Átta gefa kost á sér í fimm efstu sætin

9.Mars'21 | 22:46
Samsett_suður_VG

Ljósmynd/samsett

Átta gefa kost á sér í fimm efstu sætin í forvali VG í Suðurkjördæmi.  

Almar Sigurðsson, ferðaþjónustubóndi og formaður svæðisfélags Vg í Árnessýslu, Heiða Guðný Ásgeirsdóttir, bóndi og sveitarstjórnarmaður í Skaftárhreppi, Hólmfríður Árnadóttir, skólastjóri og formaður svæðisfélags Vg á Suðurnesjum, Kolbeinn Óttarsson Proppé, alþingismaður, Róbert Marshall, leiðsögumaður, bjóða sig fram í fyrsta sæti.

Að auki bjóða Sigrún Birna Steinarsdóttir, háskólanemi og formaður Ungra Vinstri grænna sig fram í 2. - 3. sæti, Helga Tryggvadóttir náms- og starfsráðgjafi í 2. - 5.  sæti og Anna Jóna Gunnarsdóttir, hjúkrunarfræðingur í 3. - 5. sæti.  

Nálgast má allar upplýsingar um forvalið á heimasíðu vg.is og heimasíðu VG í Suðurkjördæmi. sudur.vg.is. Kjörstjórn heldur þrjá formlega kynningarfundi með frambjóðendum á zoom og eru þeir auglýstir á vg.is.

Fyrstu tveir fundirnir eru opnir öllum, en sá síðasti er fundur ætlaður félögum í VG sem eru kjósendur í forvalinu. Fyrsti fundurinn verður haldinn 16. mars,  annar fundurinn verður 25. mars,  31. mars verða síðustu forvöð að skrá sig í VG til að taka þátt í forvalinu. Síðasti fundur kjörstjórnar með frambjóðendum sem er eingöngu ætlaður félögum í VG verður haldinn 8. apríl.

Forval VG í Suðurkjördæmi hefst klukkan 00.01 á miðnætti 10. apríl og lýkur klukkan 17.00 þann 12. apríl. Úrslit verða kunngjörð sama dag. Forvalið er rafrænt og hægt er að kjósa með rafrænum skilríkjum eða íslykli á heimasíðu vg.is.

Úrslit forvalsins eru bindandi, að öðru leyti en því, að tryggja skal að ekki halli á konur á listanum. Þá skal tryggt að ekki séu færri en tvö af hvoru kyni í fimm efstu sætum listans. Kjörstjórn Suðurkjördæmis stillir svo upp 20 manna framboðslista að teknu tilliti til aldursdreifingar, kyns, búsetu, uppruna, starfs osfrv. þannig að listinn endurspegli samfélagið sem best.  Framboðslisti VG í Suðurkjördæmi verður lagður fram til samþykktar á kjördæmisþingi í maí, segir í tilkynningu frá kjörstjórn VG - Suðurkjördæmi.

Tags

X2021

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.