Alvöru liðssigur þar sem allir lögðu sitt af mörkum

7.Mars'21 | 09:15
mfl_kv_2021

Það var létt yfir hópnum í leikslok. Mynd/ÍBV

ÍBV fékk topplið Fram í heimsókn til Eyja í gær í 11.umferð Olís deildar kvenna.

Okkar konur byrjuðu leikinn betur og komust í stöðuna 6-2 og svo aftur 10-5 en í kjölfarið áttu gestirnir góðan kafla og komu sér betur inn í leikinn. ÍBV leiddi 12-11 þegar flautað var til hálfleiks.

Fram konur byrjuðu síðari hálfleikinn betur, skoruðu 4 fyrstu mörk hálfleiksins en ÍBV neitaði að leggja ára í bát hélt í við Fram-ara. Um miðbik síðari hálfleik náðu stelpurnar okkar forystunni og héldu frumkvæðinu það sem eftir lifði leiks, en þær náðu með 3 marka forskoti og því óhætt að segja að leikurinn hafi verið svolítið kaflaskiptur. Þegar mínúta var eftir að leiknum voru ÍBV 1 marki yfir og gestirnir fengu tækifæri til þess að jafna en misstu boltann og Hrafnhildur Hanna innsiglaði frábæran sigur 26-24.

Marta var flott í markinu og varði 12 bolta (34,3%).

Hrafnhildur Hanna fór mikinn í leiknum. Hún skoraði 8 mörk, skapaði 7 færi, átti 3 vítasendingar og 3 löglegar stöðvanir í vörn.
Hún var í leikslok valin Kráar-maður leiksins og það vel verðskuldað.

Það má með sanni segja að þetta hafi verið alvöru liðssigur og lögðu allir sitt af mörkum til þess að fara heim með stigin 2 gegn toppliði deildarinnar. Það var fínasta mæting í húsið hjá okkur og þökkum við ykkur fyrir stuðninginn kæru stuðningsmenn, segir í umfjöllun um leikinn á facebook-síðu handknattleiksdeildar ÍBV.

Mörk ÍBV í leiknum:
Hanna 8, Ásta Björt 7, Elísa 4, Sunna 3, Birna Berg 2 og Harpa Valey 2.

Kári Steinn Helgason var valinn Kráar-stuðningsmaður dagsins en hann mikinn á trommunum og sló taktinn eins og herforingi! Hann fékk að launum gjafabréf frá nafna sínum Kára og hans fólki í Kránni eins og Hanna.

Næsti leikur hjá stelpunum verður á miðvikudaginn kemur þegar þær fara í Hafnarfjörðinn og mæta Haukum. Leikurinn hefst klukkan 18:00 og verður í beinni útsendingu á Stöð2Sport!
 

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.