Vilja tryggja áframhaldandi góða þjónustu við íbúa Hraunbúða

4.Mars'21 | 16:02
hraunbud_skilti

Hraunbúðir. Ljósmynd/TMS

Heilbrigðisstofnun Suðurlands (HSU) tekur við rekstri hjúkrunarheimilisins Hraunbúða í Vestmannaeyjum  1. apríl næstkomandi, í kjölfar uppsagnar bæjarfélagsins á rekstrarsamningi við Sjúkratryggingar Íslands.

Í tilkynningu frá Heilbrigðisráðuneytinu er haft eftir forstjóra HSU að hann telji þetta falla vel að rekstri stofnunarinnar, en þar er þegar fyrir þekking og reynsla af rekstri hjúkrunarheimila. Á Hraunbúðum eru hjúkrunarrými fyrir 31 íbúa en HSU rekur fyrir hjúkrunarrými fyrir 9 íbúa í Vestmannaeyjum og 42 hjúkrunarrými á Selfossi.

 

Fundar fljótlega með starfsfólki Hraunbúða

„Ég tel þetta spennandi tækifæri og sé töluverð samlegðaráhrif í núverandi rekstri stofnunarinnar. Vegferð okkar hjá HSU mun snúa að því að tryggja áframhaldandi góða þjónustu við íbúa Hraunbúða sem og velferð aldraðra í Vestmannaeyjum. Ég mun á komandi dögum kynna mér reksturinn og funda fljótlega með starfsfólki Hraunbúða“ segir Díana Óskarsdóttir forstjóri HSU.

Vestmannaeyjabær sagði upp rekstrarsamningi við Sjúkratryggingar Íslands um rekstur hjúkrunarheimilisins þann 26. júní síðastliðinn og lýkur samningstímanum um næstu mánaðamót. Sjúkratryggingar Íslands auglýstu eftir aðilum sem áhuga hefðu á að taka við rekstri heimilisins en engin viðbrögð bárust við þeirri auglýsingu.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.