Heilbrigðisstofnun Suðurlands tekur við rekstri Hraunbúða

- bæjarráð mun leggja þunga áherslu á að yfirfærslan gangi vel fyrir sig og að þjónustan verði ekki skert og hagsmunir heimilsfólks og starfsfólks séu í forgrunni við yfirfærsluna

4.Mars'21 | 13:05
ello_20

Hraunbúðir. Ljósmynd/TMS

Á fundi bæjarráðs Vestmannaeyja í gær voru málefni Hraunbúða áfram til umræðu. 

Bæjarstjóri greindi frá fundi, sem boðaður var með sólahringsfyrirvara, sem fulltrúar Vestmannaeyjabæjar og lögmaður áttu með fulltrúum heilbrigðisráðuneytisins og forstjóra Sjúkratrygginga Íslands fyrr um daginn.

Leggja þunga áherslu á að yfirfærslan gangi vel

Á fundinum var fulltrúum Vestmannaeyjabæjar tilkynnt að HSU myndi taka við rekstri Hraunbúða 1. apríl. Bæjarstjóri mun óska eftir að eiga fund með forstjóra HSU á morgun, fimmtudag, tiI að ræða framhaldið.

Bæjarráð ræddi einnig fréttaflutning af fundi Velferðarnefndar Alþingis frá 1. mars sl. Í fréttaflutningnum kom fram að svo virðist sé að fjármagn sem ætlað sé að nota í hjúkrunarheimili sé notað í óskyldan rekstur sveitarfélaga.

Í afgreiðslu ráðsins segir að nú liggi fyrir að Heilbrigðisstofnun Suðurlands (HSU) muni taka við rekstri Hraunbúða. Bæjarráð mun leggja þunga áherslu á að yfirfærslan gangi vel fyrir sig og að þjónustan verði ekki skert og hagsmunir heimilsfólks og starfsfólks séu í forgrunni við yfirfærsluna.

Engir fjármunir hafa verið færðir til í bókhaldi

Bæjarráð bókaði um málið þar sem segir að í fréttaflutningi af fundi velferðarnefndar Alþingis þann 1. mars sl. kom fram að svo virðist sem að fjármagn, sem ætlað sé að nota í hjúkrunarheimili, sé notað í óskyldan rekstur sveitarfélaga. Má ætla að þau ummæli séu komin frá Sjúkratryggingum Íslands sem er vísað til í fréttinni sem er höfð eftir formanni nefndarinnar. Vegna þessa telur bæjarráð Vestmannaeyja rétt að frábiðja sér slík ummæli enda algjörlega fráleit og úr lausi lofti gripin.

Engir fjármunir hafa verið færðir til í bókhaldi vegna þessa og allt það fjármagn sem hefur komið frá íslenska ríkinu hefur farið til reksturs Hraunbúða og svo verulega meira til eins og hefur ítrekað komið fram í fréttum. Hérna er einfaldlega verið að fara með rangt mál og fela vanmátt íslenska ríkisins og Sjúkratrygginga Íslands til þess að takast á við það verkefni að taka yfir rekstur hjúkrunarheimilanna eins og þeim ber skylda til.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.