Knattspyrna:

Kvennalið ÍBV fær liðsstyrk

28.Febrúar'21 | 10:06

Liana Hinds ásamt Andra Ólafssyni, þjálfara. Ljósmynd/ibvsport.is

Liana Hinds hefur skrifað undir samning við knattspyrnudeild ÍBV, samningurinn gildir út leiktímabilið 2021. Liana er bakvörður sem er fædd í Bandaríkjunum. Hún hefur leikið fyrir landslið Trinidad og Tobago frá árinu 2014.

Liana er 26 ára gömul og lék við góðan orðstír hjá háskólaliði í Connecticut frá árunum 2012-2015. Hún var síðast á samningi hjá sænska liðinu Sundsvalls, að því er segir í frétt á vefsíðu ÍBV.

Liana lék fyrsta leikinn sinn með ÍBV á móti Val á dögunum en hún kemur til með að vera mikilvægur hlekkur í liði ÍBV í Pepsi-Max deildinni í sumar.

Díana Helga semur við ÍBV

Díana Helga Guðjónsdóttir skrifaði undir samning við ÍBV í gær en hann gildir út leiktímabilið 2021. Hún mun því leika með liðinu í sumar.

Díana er uppalin hjá félaginu og lék upp alla yngri flokkana, hún er 22 ára gömul og leikur í stöðu bakvarðar. Hún lék sína fyrstu meistaraflokksleiki þegar hún var 16 ára og hefur alls leikið 31 leik í deild og bikar og skorað í þeim eitt mark, sem kom gegn Keflavík árið 2018.

Díana lék einn leik í deildinni í fyrra auk fimm 2. flokks leikja, segir í frétt á ibvsport.is.