Allir út að ganga!

11.Febrúar'21 | 13:37

Náttúra Vestmannaeyja er stórbrotin og hægt er njóta hennar enn betur með því að ganga fallegar gönguleiðir. Ljósmynd/TMS

Umhverfis- og framkvæmdasvið Vestmannaeyjabæjar hefur undanfarið unnið að gerð vefsíðu fyrir Vestmannaeyjabæ sem helguð er gönguleiðum í Eyjum.

Búið er að birta 9 gönguleiðir og er vonast til að fleiri gönguleiðum verði bætt við síðuna með vorinu, auk þess sem stendur til að síðan verði þýdd á ensku. Síðan er myndskreytt og leiðunum er lýst með táknmyndum og á korti. Skýringa á táknmyndum má finna á síðunni.

Náttúra Vestmannaeyja er stórbrotin og hægt er njóta hennar enn betur með því að ganga þessar fallegu gönguleiðir. Vefsíðan hefur nú verið birt á heimasíðu Vestmannaeyjabæjar og má skoða hana HÉR.

Það er eflaust ólíkt hvernig við göngum þessar leiðir. Ef þið viljið koma á framfæri athugasemdum þá má senda línu á umhverfissvid@vestmannaeyjar.is

Að gerð síðunnar komu starfsmenn umhverfis- og framkvæmdasviðs (Sveinbjörg Ósk Hauksdóttir, Dagný Hauksdóttir, Sigurður Smári Benónýsson og Ólafur Snorrason), auk sumarstarfsmanna (Bergþóra Björgvinsdóttir og Guðjón Flosason), og álitsgjafa (Ólöf Aðalheiður Elíasdóttir, Magnús Bragason og Svavar Steingrímsson), segir í frétt á vef Vestmannaeyjabæjar.