Útgerðirnar í Eyjum greiddu 550 milljónir í veiðigjöld í fyrra

9.Febrúar'21 | 15:28

Vestmannaeyjar eru í öðru sæti þegar kemur að greiðslu veiðigjalda í ríkissjóð í fyrra. Ljósmynd/TMS

Fiskistofa hefur lokið álagningu veiðigjalds vegna ársins 2020. Alls nemur álagningin tæpum 4,8 milljörðum króna.

Þetta kemur fram á vef Fiskistofu. Til samanburðar má hér sjá heildarálagningu veiðigjalds þrú síðastliðin ár:

Ár,	Upphæð álagðs veiðigjalds
2020	4,8 milljarðar króna
2019	6,6 milljarðar króna
2018	11,3 milljarðar króna

Gjaldendur í fyrra voru alls 934

Gjaldendur veiðigjalds á árinu 2020 voru alls 934. Þeir voru flestir yfir sumartímann vegna strandveiðanna, á milli 7 og 8 hundruð talsins. Fámennastur var gjaldendahópurinn í janúar 2020 eða um 150. Ef litið er til 16 stærstu gjaldendanna þá greiddu þeir samanlagt tæpa 3,0 milljarða í veiðigjald á árinu 2020 af þeim 4,8 milljörðum sem veiðigjaldið skilaði.

Stærstu gjaldendur,	Upphæð álagðs veiðigjalds 2020
Brim hf	367 m.kr.
Samherji Ísland ehf	281 m.kr.
Þorbjörn hf	250 m.kr.
FISK-Seafood ehf	231 m.kr.
Skinney-Þinganes hf	197 m.kr.

Reykjavík, Vestmannaeyjar, Grindavík og Akureyri skera sig úr

Þegar skoðuð er álagning eftir stöðum (póstnúmerum) gjaldenda kemur í ljós að Reykjavík (101), Vestmannaeyjar, Grindavík og Akureyri skera sig úr með mest álagt veiðigjald.