Lýsa undrun á viðbragðs- og úrræðaleysi Sjúkratrygginga Íslands

29.Janúar'21 | 14:06
gongugrind_ello

Til stendur að auglýsa eftir rekstraraðila Hraunbúða. Ljósmynd/TMS

Á fundi bæjarstjórnar Vestmannaeyja í gær gerði Íris Róbertsdóttir, bæjarstjóri, grein fyrir samskiptum við forstjóra Sjúkratrygginga Íslands um yfirfærslu dvalar- og hjúkrunarheimilisins Hraunbúða frá Vestmannaeyjabæ til ríkisins. 

Jafnframt fór bæjarstjóri yfir fund með heilbrigðisráðherra, Sambandi íslenskra sveitarfélaga og þremur öðrum bæjarstjórum sveitarfélaga sem munu ekki endurnýja samninga við Sjúkratryggingar Íslands um rekstur dvalar- og hjúkrunarheimila.

Til stendur að auglýsa eftir rekstraraðila

Mjög erfiðlega hefur gengið að fá svör frá ríkisvaldinu um yfirfærsluna og enn óljóst hvaða rekstraraðili komi til með að taka við rekstri Hranubúða.

Þrátt fyrir að margir mánuðir séu liðnir frá því að Vestmannaeyjabær sagði upp samningi við SÍ um rekstur stofnunarinnar og ítrekaðar tilraunir til þess að fá svör við spurningum og erindum, hefur illa gengið að fá upplýsingar um verðandi rekstraraðila og ýmis hagnýt atriði í tengslum við slíka yfirfærslu. Aðeins eru rúmir tveir mánuðir í að starfsemin verður flutt frá Vestmannaeyjabæ til ríkisins. Fyrr í vikunni bárust loks þau svör frá SÍ um að til stæði að auglýsa eftir rekstraraðila. Það verður því heilmikil áskorun fyrir aðila að halda tímaáætlun um yfirfærsluna.

Lýsa áhyggjum af þeirri óvissu sem ríkir um framtíðar rekstrarfyrkomulag Hraunbúða

Í sameiginlegri bókun bæjarstjórnar segir að bæjarstjórn lýsi áhyggjum af þeirri óvissu sem ríkir um framtíðar rekstrarfyrkomulag dvalar- og hjúkrunarheimilsins Hraunbúða. Jafnframt lýsir bæjarstjórn undrun á viðbragðs- og úrræðaleysi Sjúkratrygginga Íslands. Þrátt fyrir margítrekaðar tilraunir fulltrúa Vestmannaeyjabæjar um skýr svör, hefur Sjúkratryggingum hvorki tekist að upplýsa um nýjan rekstraraðila, né veitt Vestmannaeyjabæ leiðbeiningar um hvaða skref þurfi að stíga til þess að tryggja farsælan tilflutning starfsemi Hraunbúða.

Bæjarstjórn Vestmannaeyja skorar á Sjúkratryggingar Íslands að vinna málið hratt og örugglega svo að eyða megi óvissu starfsfólks, heimilisfólks og aðstandenda heimilisfólks Hraunbúða um yfirfærsluna.

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...