Haraldur Pálsson nýr framkvæmdastjóri ÍBV

Haraldur er með BA gráðu í hagfræði og BS gráðu í tölvunarfræði frá Háskóla Íslands ásamt því að vera með stýrimannsmenntun frá Tækniskólanum í Reykjavík. 

Haraldur er meðeigandi E-fasteigna og hefur seinustu ár starfað meðal annars hjá Leitni Ráðgjöf, Marel, Gamma og sinnt trúnaðarstörfum á vegum ÍBV. Haraldur er í sambúð með Írisi Þórsdóttir og eiga þau saman tvö börn, segir í tilkynningu á vef ÍBV-íþróttafélags. Þar kemur jafnframt fram að hann muni hefja störf í næsta mánuði.