Biðja farþega í sóttkví að gefa sig fram

Þetta kemur fram í tilkynningu frá Herjólfi ohf. og er ástæða tilkynningarinnar sögð að starfsfólk Herjólfs hefur orðið vart við það að farþegar sem eru að ferðast í heimkomusóttkví tilkynni sig ekki, fyrr en þeir eru mættir á afgreiðslustaði Herjólfs. Því er biðlað til fólks að fara eftir eftirfarandi tilmælum:

Komi til þess að einstaklingur sé í sóttkví og þarf að ferðast milli lands og Eyja, skal kemur hafa samband við Ölmu Ingólfsdóttur á netfangið almai@herjolfur.is áður en til brottfarar kemur.

Þá er mikilvægt að fylgja að öllu leyti fyrirmælum stýrimanns þegar til skipsins er komið. Herjólfur ohf leggur mikla áherslu á að gæta ítrustu varkárni vegna veirunnar og vill taka og sýna samfélagslega ábyrgð vegna málsins.