Fór yfir stöðu loðnuleitar með ríkistjórninni

5.Janúar'21 | 13:55
lodnu_sigva

Undanfarin tvö ár hefur verið loðnubrestur á Íslandi. Ljósmynd/Sigva-Media.

Kristján Þór Júlíusson, sjávarútvegs- og landbúnaðarráðherra, gerði á fundi ríkisstjórnarinnar í morgun grein fyrir stöðu loðnuleitar. Vísaði ráðherra til þess í gær fóru bæði rannsóknaskip Hafrannsóknastofnunar ásamt þremur uppsjávarskipum til mælinga á loðnustofninum. 

Rannsóknaskipið Árni Friðriksson mun hefja mælingar út af Vestfjörðum en rannsóknaskipið Bjarni Sæmundsson mun leita og mæla á grunnslóð út af Norðurlandi, segir í frétt á vef Stjórnarráðs Íslands.

Uppsjávarskipin Aðalsteinn Jónsson, Ásgrímur Halldórsson og Polar Amarok munu leita út af Austfjörðum, Norðausturlandi og djúpt út af norðanverðu landinu. Alls eru um 20 sérfræðingar Hafrannsóknastofnunar um borð í skipunum auk sjómanna skipanna. Því eru um 75-80 manns sem koma beint að verkefninu á hafi úti.

Aukaframlagið þýðir að hægt verður sinna mælingum með mörgum skipum

Í samræmi við breytingatillögu fyrir 3. umræðu var í fjárlögum ársins 2021 ákveðið að Hafrannsóknastofnun fái 120 milljón króna aukaframlag til rannsókna og leitar að loðnu enda skiptir það miklu fyrir viðspyrnu efnahagslífsins að loðna veiðist í vetur. Hafrannsóknastofnun hefur gert samninga við útgerðir uppsjávarskipa um þátttöku í mælingum á loðnu í janúar og febrúar og gerir aukaframlagið það að verkum að hægt verður sinna mælingum með mörgum skipum og á þann hátt fá niðurstöður fáist á stuttum tíma þegar aðstæður á miðunum leyfa.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.