Gul veðurviðvörun í gildi í dag

25.Desember'20 | 09:57

Skjáskot/vedur.is

Klukkan 12 á hádegi tekur í gildi gul viðvörun á Suðurlandi vegna suðvestan hvassviðris eða storms og élja. Viðvörunin er í gildi til klukkan 17:00.

Í viðvörunarorðum Veðurstfunnar segir: Suðvestan 15-23 m/s og talsverður éljagangur, og má búast við snörpum vindhviðum í éljahryðjum. Þetta getur skapað varasöm akstursskilyrði, einkum á heiðum.

Suðurland

Í nýrri spá Veðurstofu Íslands segir að það verði vaxandi suðvestanátt, 15-23 m/s eftir hádegi og gengur á með éljum. Hiti kringum frostmark. Dregur úr vindi í kvöld og nótt, norðaustan 5-10 m/s á morgun, bjart með köflum og frost 1 til 6 stig.

Veðurhorfur á landinu næstu daga

Á sunnudag:
Norðan og norðaustan 15-23 m/s. Rigning eða slydda um norðanvert landið og hiti kringum frostmark, en snjókoma síðdegis. Þurrt sunnantil á landinu og hiti 1 til 5 stig.

Á mánudag:
Norðan 5-10 m/s en 10-15 m/s austantil á landinu. Dálítil él norðan- og austanlands, en bjartviðri um landið sunnan- og vestanvert. Frost 1 til 8 stig.

Nánar um veðrið.