Styrkja ÍBV-íþróttafélag um 20 milljónir vegna tekjufalls

1.Desember'20 | 12:45
Orkumót_sgg

Styrkurinn er ætlaður til barna og unglingastarfs og er skilyrtur við að æfingagjöld hækki ekki á árinu 2021. Ljósmynd/SGG

Bæjarráð Vestmannaeyja tók fyrir erindi formanns og framkvæmdastjóra ÍBV-íþróttafélags um viðbótarfjárveitingu frá Vestmannaeyjabæ vegna tekjufalls félagsins af völdum Covid-19 sem nemur tugum milljóna króna. 

Um er að ræða beiðni um 20 milljón kr. fjárstyrk fyrir árið 2020. Vegna samkomutakmarkana stjórnvalda hefur ÍBV orðið af bróðurparti tekna sinna á þessu ári. Félagið reiðir sig m.a. á tekjur af Þjóðhátíð og öðrum viðburðum, en flestir þessara viðburða hafa fallið niður. Ráðist hefur verið í hagræðingaraðgerðir, en ljóst er að ef halda úti óbreyttu íþróttastarfi barna og ungmenna þarf að koma til viðbótarfjármagn. Öðrum kosti gæti komið til þess að félagið neyðist til að hækka æfingagjöld umtalsvert.

Í afgreiðslu ráðsins segir að bæjarráð samþykki að veita ÍBV-íþróttafélagi 20 milljón kr. fjárstyrk á árinu 2020 vegna tekjufalls félagsins af áhrifum hertra samkomutakmarkana. Styrkurinn er ætlaður til barna og unglingastarfs og er skilyrtur við að æfingagjöld hækki ekki á árinu 2021. Bæjarráð felur framkvæmdastjóra fjölskyldu- og fræðslusviðs að gera samning við ÍBV um fjárstyrkinn og skilyrði fyrir honum. Bæjarráð felur jafnframt fjármálastjóra að útbúa viðauka við fjárhagsáætlun 2020 þar sem gert er ráð fyrir þessari fjárveitingu.

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Fasteignasalan Eldey

11.Maí'21

Eldey fasteignasala.  Sími 861-8901.  Arndís M. Kjartansdóttir löggiltur fasteignasali.  Goðahrauni 1.  disa@eldey.net.  Lægsta söluþóknunin í Eyjum, 1 % fyrir einkasölu. 

Tungumálafólk óskast til vinnu sem túlkar

10.Maí'21

Alþjóðasetur leitar að fólki í Vestmannaeyjum til starfa sem túlkar.  Góð kunnátta á móðurmáli og íslensku er skilyrði, auk góðrar færni í mannlegum samskiptum, stundvísi, háttvísi og trúnaður.  Starfið er unnið í verktöku og ráðast laun af fjölda verkefna. Vinnutími er frjáls og sniðinn að óskum hvers og eins.  Boðið er upp á gjaldfrjálst starfsþjálfunarnámskeið áður en störf hefjast. Umsókn ásamt ferilskrá sendist á asetur@asetur.is  

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...