Rólegt hefur verið yfir starfsemi hafnarinnar

Nú í haust hefur verið heldur rólegt yfir starfsemi hafnarinnar

1.Desember'20 | 12:40
20200912_120650

Vestmannaeyjahöfn. Ljómsynd/TMS

Frekar lítið hefur verið um skipakomur sem skýrist helst af því að rólegt hefur verið yfir veiðum uppsjávarskipa, því þegar þessum stóru og öflugu skipum er beitt á fullu fer starfsemi hafnarinnar alveg á fullt sving rétt eins og samfélagið allt. 

Þá mæta fraktskipin til að flytja út afurðirnar sem eru, frystivara, lýsi og fiskimjöl. Aðeins hefur þó verið að lifna yfir þessu hjá okkur undanfarna daga, hefur síld verið landað hér undanfarið bæði hjá Ísfélagi og Vinnslustöð. Ágætis fiskerí hefur þó verið í bolfiskinum og vinnsla gengið vel en mest af þeim afurðum er flutt héðan með gámaskipum sem hafa viðkomu hér vikulega.

Svona hefst grein Andrésar Sigurðssonar, yfirhafnsögumanns hjá Vestmannaeyjahöfn sem birt er á vef Vestmannaeyjabæjar í dag. Þá segir í greininni að dökkt útlit hafi verið með loðnuveiðarnar en nú voru að berast góðar fréttir af loðnustofninum og eru vonir manna að glæðast um að eitthvað verði veitt á næstu vertíð sem hefur gríðarmikla þýðingu fyrir okkur öll.

Aðeins kom eitt farþegaskip hingað s.l. sumar en áttum við von á að nýtt met yrði slegið í skemmtiferðaskipakomum, en um 100 skip höfðu boðað komu sína hingað, já höfnin hefur eins og flestir aðrir fengið að kenna á kórónuveirunni. Svo að sumarið var rólegra en til stóð, en það er sá tími sem hefur mjög annasamur hjá hafnarstarfsmönnum. Vel lítur út með næsta sumar í farþegaskipabransanum og hafa verið bókaðar 90 komur hingað, vonum við bara að heimsfaraldurinn verði yfirstaðin og það gangi allt eftir.

Framhvæmdir við Skipalyftukannt hafa staðið yfir nú í haust og er þeim að ljúka svo vonir standa til að hann erði tekinn í notkun nú á næstu dögum, þó svo að þekjan við bryggjuna komi síðan, segir að endingu í grein Andrésar.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fasteignasalan Eldey

11.Maí'21

Eldey fasteignasala.  Sími 861-8901.  Arndís M. Kjartansdóttir löggiltur fasteignasali.  Goðahrauni 1.  disa@eldey.net.  Lægsta söluþóknunin í Eyjum, 1 % fyrir einkasölu.