Neyðarúrræði að hækka gjaldskrá

1.Desember'20 | 14:59
bilar_herj_nyr

Fargjöld á farþega hækka um 25%. Þá hækkar fargjald á bifreiðar undir 5m um 30%. Ljósmynd/TMS

Bæjarráð Vestmannaeyja fundaði í morgun. Fyrir bæjarráði lágu upplýsingar um breytingar á gjaldskrá Herjólfs ohf. sem kynntar voru bæjarfulltrúum á upplýsingafundi með stjórn félagsins. 

Undanfarna mánuði hafa staðið yfir samningaviðræður milli samninganefndar Herjólfs og Vegagerðarinnar um fjármál félagsins og samning um rekstur Herjólfs til næstu ára. Rekstur og fjármál félagsins hefur gengið erfiðlega á þessu ári og ein meginforsenda samningaviðræðnanna var að tryggja fjárhagslegt hæfi félagsins, en jafnframt að veita góða þjónustu og tryggja ferðatíðni ferjunnar. Grípa þarf til fjölþættra aðgerða til þess að svo geti orðið. Hækkun gjaldskrár er ein þeirra.

Í afgreiðslu bæjarráðs segir að í ljósi erfiðrar stöðu Herjólfs ohf. sé mikilvægt að tryggja fjárhagslega endurskipulagningu félagsins. Hækkanir á gjaldskrá er einn liður sem grípa þarf til að tryggja áframhaldandi rekstur. Bæjarráð og bæjarstjórn hefur lagt á það þunga áherslu að ferðatíðni skerðist ekki. Hækkanir á gjaldskrá eru neyðarúrræði sem aldrei er léttvæg ákvörðun en í ljósi stöðunnar sýnir bæjarráð því skilning að hækka þurfi fargjöld.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Fasteignasalan Eldey

11.Maí'21

Eldey fasteignasala.  Sími 861-8901.  Arndís M. Kjartansdóttir löggiltur fasteignasali.  Goðahrauni 1.  disa@eldey.net.  Lægsta söluþóknunin í Eyjum, 1 % fyrir einkasölu. 

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Tungumálafólk óskast til vinnu sem túlkar

10.Maí'21

Alþjóðasetur leitar að fólki í Vestmannaeyjum til starfa sem túlkar.  Góð kunnátta á móðurmáli og íslensku er skilyrði, auk góðrar færni í mannlegum samskiptum, stundvísi, háttvísi og trúnaður.  Starfið er unnið í verktöku og ráðast laun af fjölda verkefna. Vinnutími er frjáls og sniðinn að óskum hvers og eins.  Boðið er upp á gjaldfrjálst starfsþjálfunarnámskeið áður en störf hefjast. Umsókn ásamt ferilskrá sendist á asetur@asetur.is