Týr siglir til Vestmannaeyja

og verður til taks á suðvestanverðum Íslandsmiðum

26.Nóvember'20 | 16:42
tyr_hofn

Varðskipið Týr í Vestmannaeyjahöfn á björtum sumardegi. Ljósmynd/TMS

Varðskipið Týr lætur úr höfn í Reykjavík um kvöldmatarleytið en áhöfn skipsins var kölluð út í morgun til að auka viðbragðsgetu Landhelgisgæslunnar á hafinu þar sem engin björgunarþyrla eða flugvél er tiltæk vegna verkfalls flugvirkja. 

Varðskipið Þór er við eftirlit norður af landinu og til stendur að Týr sigli til Vestmannaeyja og verði til taks á suðvestanverðum Íslandsmiðum, að því er segir í frétt á vef Landhelgisgæslunnar. 

Þessu tengt:  "Lokað vegna vinnudeilu''

Í fréttinni segir jafnframt að um miðjan dag í dag hafi rúmlega 200 skip og bátar verið í kerfum stjórnstöðvar Landhelgisgæslunnar, þar af 89 íslensk. Afar brýnt þykir að auka viðbragðið á sjó vegna þeirrar stöðu sem uppi er og því verða tvö varðskip, Þór og Týr, til taks ef á þarf að halda næstu daga. Þá er séraðgerðasveit Landhelgisgæslunnar sömuleiðis í viðbragðsstöðu auk þess sem varnarmálasvið Landhelgisgæslunnar mun tryggja yfirsýn yfir staðsetningu allra erlendra ríkisfara við Ísland, bæði skipa og flugvéla, sem hugsanlegt væri að nýta við leit og björgun ef á þyrfti að halda.

Um borð í hvoru varðskipi er 18 manna áhöfn sem er sérþjálfuð til björgunarstarfa. Gert er ráð fyrir að varðskipið Týr verði til taks á meðan skert viðbragð er úr lofti.

Sjá einnig: Getur ógnað öryggi íbúa og sjófarenda 

 

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...