Leiðindaveður í kortunum með tilheyrandi ölduhæð - gul viðvörun

24.Nóvember'20 | 10:55
20201027_134439(0)

Ljósmynd/TMS

Gert er ráð fyrir norðaustan og síðar norðan 5-13 m/s og skýjuðu á Suðurlandi í dag, en léttir til í kvöld. Þetta kemur fram í nýrri veðurspá Veðurstofu Íslands.

Frost víða 0 til 5 stig, en frostlaust við ströndina. Vaxandi suðaustanátt og þykknar upp á morgun, 13-20 og slydda eða rigning um kvöldið og hlýnar, hvassast vestast.

Spá gerð: 24.11.2020 09:35. Gildir til: 26.11.2020 00:00.

Suðanhríðaverður (Gult ástand)

Búið er að gefa út gula veðurviðvörun fyrir höfuðborgarsvæðið, Suðurland, Faxaflóa, Breiðafjörð og Vestfirði. Viðvörunin fyrir Suðurland gildir frá kl. 19:00 á morgun, 25 nóv.  – 26 nóv. kl. 05:00. Þar er gert ráð fyrir suðaustan 15-23 m/s og slyddu eða snjókomu á Hellisheiði og í Þrengslum. Færð getur spillst snögglega.

Hugleiðingar veðurfræðings

Í dag má búast við norðaustan kalda eða allhvössum vindi. Éljagangur fyrir norðan og austan, en þurrt og víða bjart veður á suðvesturhorninu. Lægir í kvöld og nótt, en á morgun hvessir úr suðaustri og þykknar upp um landið vestanvert. Um kvöldið má búast við að fari að snjóa úr skilum sem koma úr vestri og vindstyrkur nærri stormstyrk og þegar þetta hvasst er og ofankoma að auki verður fljótt ansi snúið að ferðast á milli landshluta. Á láglendi fer úrkoman fljótlega yfir í slyddu og síðar rigningu en áfram snjóar á heiðum.

Á fimmtudagsmorgun sýst svo vindur til suðvestanáttar með skúrum eða slydduéljum, en ekki lægir sem neinu nemur. Eins geta orðið haglél við svona aðstæður og til föstudags kólnar svo úrkoman færist meira yfir til élja. Norðaustur- og austurland sleppa ágætlega frá úrkomunni þegar vindur verður suðvestlægari. Eins má búast við að gular viðvaranir komi fram þegar líður á morguninn, segir í hugleiðingum veðurfræðings.

Veðurhorfur á landinu næstu daga

Á fimmtudag:
Sunnan 13-20 m/s og talsverð rigning eða slydda í fyrstu, en úrkomulítið NA-lands. Hiti 2 til 7 stig. Snýst síðan í suðvestan 15-23 m/s með éljagangi S- og V-til og kólnar í veðri.

Á föstudag:
Suðvestan 13-20 m/s og éljagangur, en bjartviðri NA-lands, hvassast við S- og V-ströndina. Hiti kringum frostmark.

Á laugardag:
Ákveðin suðvestanátt og él, en bjartviðri eystra. Hiti kringum frostmark.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...