Viltu hafa áhrif 2021?:

26 umsóknir bárust

24.Nóvember'20 | 07:23
krakkar_hoppud

Dæmi um verkefni sem kom í gegnum Viltu hafa áhrif er hoppudýnan vinsæla sem sett var upp á Stakkagerðistúninu. Ljósmynd/TMS

Fyrr á þessu ári auglýsti Vestmannaeyjabær eftir ábendingum, tillögum og styrkumsóknum undir heitinu Viltu hafa áhrif 2021? 

Markmiðið með þessu er að stuðla að auknu íbúalýðræði í Vestmannaeyjum með því að gefa fólki, fyrirtækjum og félagasamtökum tækifæri á að hafa áhrif á bæinn sinn í gegnum fjárhagsáætlun næsta árs. Fjölmargar góðar ábendingar hafa borist í gegnum tíðina. Má þar m.a. nefna styrki til fjölda sýninga, menningartengdrar bókaútgáfu, leiktækja á opnum svæðum og göngustíga, segir í fundargerð bæjarráðs.

Bæjarráð hittist á vinnufundi 16. nóvember sl. og tók ákvörðun um hverjir hljóta styrki í ár. Í fjárhagsáætlun ársins 2021 er gert ráð fyrir 11 milljónum kr. í Viltu hafa áhrif?. Alls bárust í ár 26 styrkumsóknir sem og fjöldi ábendinga um hvað betur má fara í Vestmannaeyjum.

Bæjarráð þakkar bæjarbúum fyrir fjölbreyttar umsóknir og ábendingar. Það er ljóst að bæjarbúar eru hugmyndaríkir um hvernig gera megi góðan bæ enn betri. Upplýst verður um hvaða aðilar hlutu styrk við síðari umræðu um fjárhagsáætlun í bæjarstjórn 3. desember nk. Styrkirnir verða svo formlega afhentir þriðjudaginn 8. desember nk.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.