Tilmæli frá heilsugæslum HSU vegna Covid-19

Á vef HSU er þeim tilmælum eindregið beint til skjólstæðinga HSU að:

• Koma ekki með aðstandendur með sér á biðstofur og í bókaða tíma nema nauðsyn krefji.
• Staldra sem styðst við á biðstofum, þ.e.a.s. að fara inn á stofnun og biðstofu einungis stuttu áður en tími á að hefjast og halda 2ja m. bilið.
• Grímuskylda. Allir 6 ára og eldri bera maska í viðtali, rannsóknum og öðrum erindagjörðum inni á stofnanir HSU. ATH að buff er ekki tekið gilt.
• Óska eftir að viðtalstíma sé breytt í símatíma eða myndsímtal ef þú telur að hægt sé að afgreiða erindið í gegnum síma.
• Nota heilsuvera.is – mínar síður - fyrir stuttar fyrirspurnir til heilbrigðisstarfsfólks sem og lyfjaendurnýjanir.

Ef þú þarft ráðgjöf hjúkrunarfræðinga vegna COVID-19 þá eru nokkrar leiðir:

• Vaktsíminn 1700
• Símtal á þína heilsugæslu á dagvinnutíma
• Samskipti á „Mínum síðum“ á heilsuvera.is
• Netspjall á heilsuvera.is – 8:00-22:00

Ávallt er að finna nýjustu upplýsingar á www.covid.is

Hvetjum alla til að sinna einstaklingsbundnum sóttvörnum.

Með samstöðu og hjálpsemi komumst við saman yfir þetta verkefni.