Gul veðurviðvörun í gildi - Suðvestan stormur

4.Nóvember'20 | 23:50

Skjáskot/vedur.is.

Veðurstofa Íslands hefur gefið út gula veðurviðvörun fyrir Suðurland. Viðvörunin tekur í gildi kl. 14:00 á morgun, fimmtudag og verður í gildi til klukkan 22.00.

Gert er ráð fyrir suðvestan 18-23 m/s, varasamt fyrir ökutæki sem taka á sig mikinn vind. Fólki er bent á að tryggja lausamuni til að fyrirbyggja foktjón.

Einnig er búið að gefa út gular viðvaranir vegna veðurs á höfuðborgarsvæðinu, Faxaflóa, Breiðafirði, Vestfjörðum, Ströndum, Norðurlandi vestra, Norðurlandi eystra, Austurlandi að Glettingi, Austfjörðum og á Miðhálendi.

Veðurhorfur á landinu næstu daga

Á föstudag:
Suðvestan 10-18 m/s og él, en léttskýjað á NA- og A-landi. Hiti 0 til 5 stig. Lægir heldur síðdegis.

Á laugardag:
Suðvestan 8-13 og rigning eða slydda, en þurrt NA- og A-lands. Hiti 1 til 7 stig.

Nánar um veðrið.