Ítreka mikilvægi þess að efla þjónustu HSU í Eyjum

17.Október'20 | 09:42

Stöðvun á áætlunarflugi milli lands og Eyja kemur sér afar illa fyrir stofnunina og mun að öllum líkindum koma til með að auka kostnað vegna sjúkraflutninga, segir m.a. í bókuninni. Ljósmynd/TMS

Á fundi bæjarstjórnar í vikunni var umræða um heilbrigðismál. Í sameiginlegri bókun bæjarstjórnar segir að bæjarstjórn telji afar mikilvægt að efla þjónustu HSU í Vestmannaeyjum.

„Efla þarf m.a. fjarheilbrigðisþjónustu og fjölga komum sérfræðinga til Vestmannaeyja, til að bæjarbúar þurfi ekki að fara í ferðalög til að leita sér grunnheilbrigðisþjónustu. Stöðvun á áætlunarflugi milli lands og Eyja kemur sér afar illa fyrir stofnunina og mun að öllum líkindum koma til með að auka kostnað vegna sjúkraflutninga.” segir í bókuninni.

Sjá einnig: 86 sjúkraflug milli lands og Eyja fyrstu 9 mánuði ársins