Skráning í heimsóknartíma á Hraunbúðum

- ákveðið hefur verið að setja á heimsóknartíma helgina 16.okt til 19.okt frá föstudegi til mánudags

14.Október'20 | 17:34

Enn erum við svo lánsöm að í þessari bylgju af Covid 19  að ekki hafa komið upp smit hvorki hjá heimilisfólki né starfsmönnum. Við vonum heitt og innilega að svo verði áfram.

Við erum á neyðarstigi almannavarna en erum ennþá með opið fyrir heimsóknir samkvæmt ákveðnum reglum og vonumst til að geta haldið því áfram. Við gætum þó þurft að bregðast hratt við ef útbreiðsla á smitum verður í nærumhverfinu. Þetta kemur fram í frétt á vefsíðu Hraunbúða.

Reglurnar eru í stuttu máli þessar; Einn gestur í mesta lagi á dag til hvers íbúa og sá sami í 7 daga í senn, nota þarf grímu/maska, sótthreinsa og fara beint inn í herbergi til íbúa og beint út aftur svo snertifletir séu sem fæstir, virða fjarlægðarmörk og að ekki séu samskipti við aðra en þann sem heimsóttur er. 

Við höfum þó ákveðið að setja á heimsóknartíma um helgina 16.okt til 19.okt frá föstudegi til mánudags.  Við óskum eftir því að pantaður sé heimsóknartími þessa daga fyrirfram á netfangið vakt@vestmannaeyjar.is eða í síma 893 1384.  Við vonum að þið sýnið þessu skilning en þetta er gert í forvarnarskyni og til að hafa betra yfirlit yfir heimsóknir um helgina.  

Við viljum svo minna á þau tilmæli almannavarna að fólk sé ekki á ferðinni til og frá höfuðborgarsvæðinu nema nauðsyn beri til á meðan hertar reglur eru í gildi þar. Með höfuðborgarsvæðinu er átt við Reykjavík, Seltjarnarnesbæ, Mosfellsbæ, Kjósarhrepp, Hafnarfjarðarkaupstað, Garðabæ og Kópavog, segir að endingu í fréttinni.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.