Að Náttúrugripasafnið og Byggðasafnið sameinist

13.Október'20 | 11:25

Einn kosturinn sem lagður er til er að Náttúrugripasafnið og Byggðasafnið sameinist og verði á efri hæð að Strandvegi 30. Ljósmynd/TMS

Húsakostur og framtíðarskipan Safnahúss og Sagnheima hefur verið í vinnslu hjá starfshópi sem bæjaryfirvöld skipuðu.

Sigurhanna Friðþórsdóttir, formaður starfshópsins kom á síðasta fund bæjarráðs til þess að fylgja eftir skilagrein sem starfshópurinn hefur lokið og sent bæjarráði. Ítarlega er farið yfir málið í skilagrein starfshópsins og þar kemur m.a fram að hópurinn leggi til tvennt.

Annars vegar tillögu til næstu ára þar sem Safnahúsið fær megináherslu og geymsluaðstöðu er komið upp á Strandvegi 30, efri hæð. Hins vegar lengri tíma lausn sem miðar við að Náttúrugripasafnið og Byggðasafnið sameinist og verði á Heiðarvegi 12 eða á efri hæð að Strandvegi 30.

Í niðurstöðu segir að bæjarráð þakki upplýsingarnar og vísar málinu til vinnu í tengslum við fjárhagsáætlun 2021 og þriggja ára áætlunar 2022-2024.

Skilagrein starfshóps um málefni safna Vestmannaeyjabæjar.