Hvíslið:

Allir á uppsagnarfresti

29.September'20 | 10:45

Mikil óvissa er uppi í samgöngumálum Vestmannaeyja.

Í dag er staðan þannig á samgönguleiðum milli lands og Eyja að allir starfsmenn sem þar starfa eru á uppsagnarfresti. Öllum starfsmönnum Herjólfs var sagt upp störfum í lok ágúst.

Örfáum dögum síðar tilkynnti Flugfélagið Ernir um að félagið myndi hætta flugi milli lands og Eyja. Í gær bárust svo fréttir þess efnis að Isavia hafi sagt upp öllum starfsmönnum sínum í Vestmannaeyjum. 

Með þeirri aðgerð má segja að allir þeir starfsmenn sem starfa við samgöngur á milli lands og Eyja séu á uppsagnarfresti. En hvar stendur hnífurinn í kúnni?

Ef skoðað er hvað forsvarsmenn félagana hafa sagt er ljóst að enginn af þessum aðilum telur sig geta haldið úti óbreyttri starfssemi vegna fjárhagserfiðleika. Vantar þar upp á hundruðir milljóna króna. Viðræður Herjólfs ohf. við ríkið eru nú nýhafnar. 

Af sömu ástæðu hætti flugfélagið Ernir áætlunarflugi milli lands og Eyja. Hörður Guðmundsson, forstjóri flugfélagsins sagði að félagið þyrfti ríkisstyrk til að geta haldið uppi samgöngum til og frá Eyjum.

Og nú síðast er það ríkisfyrirtækið Isavia sem nýtir sér ástandið með uppsögnum á öllum starfsmönnum sínum í Vestmannaeyjum. Er til of mikils mælst að ríkið kippi þessari grunnstoð í liðinn við stærsta eyjasamfélagið á þessu landi?

​Ráðherrar, þingmenn - hvert er planið?

Tungumálafólk óskast til vinnu sem túlkar

10.Maí'21

Alþjóðasetur leitar að fólki í Vestmannaeyjum til starfa sem túlkar.  Góð kunnátta á móðurmáli og íslensku er skilyrði, auk góðrar færni í mannlegum samskiptum, stundvísi, háttvísi og trúnaður.  Starfið er unnið í verktöku og ráðast laun af fjölda verkefna. Vinnutími er frjáls og sniðinn að óskum hvers og eins.  Boðið er upp á gjaldfrjálst starfsþjálfunarnámskeið áður en störf hefjast. Umsókn ásamt ferilskrá sendist á asetur@asetur.is  

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Fasteignasalan Eldey

11.Maí'21

Eldey fasteignasala.  Sími 861-8901.  Arndís M. Kjartansdóttir löggiltur fasteignasali.  Goðahrauni 1.  disa@eldey.net.  Lægsta söluþóknunin í Eyjum, 1 % fyrir einkasölu.