Skipverji á Þórunni Sveinsdóttur VE með veiruna

28.September'20 | 10:59
thorunn_sveins_0619

Þórunn Sveinsdóttir VE-401. Ljósmynd/Tói Vídó

Einn skip­verji á Þór­unni Sveins­dótt­ur VE greind­ist á laug­ar­dag­inn með Covid-19 og eru þeir sem voru með hon­um í síðasta túr komn­ir í sótt­kví.

Þetta staðfest­ir Gylfi Sig­ur­jóns­son skip­stjóri, sem er einn þeirra sjö sem eru í sótt­kví. Greint er frá þessu á fréttavefnum mbl.is. Gylfi seg­ir bát­inn vera núna úti á sjó og að skip­verj­arn­ir sem þar eru um borð fari í skimun þegar þeir koma í land á miðviku­dag­inn.

Fyr­ir utan þann sem greind­ist smitaður er eng­inn með ein­kenni veirunn­ar, að sögn Gylfa. Haft er eftir honum að þetta sé í sínu ferli. „Þetta er unnið með smitrakn­ing­ar­t­eym­inu og heilsu­gæslu­lækni í Vest­manna­eyj­um. Þetta er allt eins og á að gera það“.

Sá sem smitaðist var ekki kom­inn með nein ein­kenni þegar bát­ur­inn lagðist að bryggju á miðviku­dag­inn. Maður­inn fór svo til Reykja­vík­ur og eft­ir að hann kom til baka fékk hann ein­kenni á föstu­dag­inn. „Þetta eru ör­ygg­is­ráðstaf­an­ir hjá okk­ur. Við vit­um ekki hvort hann smitaðist um borð því það er eng­inn með ein­kenni,“ seg­ir Gylfi. „Við kross­leggj­um fing­ur og höld­um okk­ar striki.“

 

Mbl.is

Tags

COVID-19

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.