Ekki fallist á að greiða fyrir færslu ljósastaura og götuskápa

Bréfritarar sækja þar um leyfi til að nýta alla framlóðina fyrir bílastæði og óska eftir að ljósastaurar og götuskápar verði færðir til í götunni. Farið var fram á að umræddur flutningur yrði alfarið greiddur af bæjaryfirvöldum.

Fram kemur í niðustöðu ráðsins að ráðið geri ekki athugasemdir við færslu á ljósastaurum og rafmagnskössum, og þar með stækkun á innkeyrslum, háð samráði við umhverfis- og framkvæmdasvið Vestmannaeyjabæjar.

Ráðið hafnar hins vegar beiðni um að sveitarfélagið greiði kostnað vegna breytinga. Allar framkvæmdir og breytingar skulu vera á kostnað umsækjenda eins og í sambærilegum málum, segir í afgreiðslu ráðsins.