Vilja að Heimagata verði gerð að einstefnugötu

Í bréfi íbúa segir að mikil óánægja hafi skapast þegar óheimilt varð að leggja báðu megin götunnar, sem kemur í veg fyrir að íbúar geti lagt ökutækjum sínum við hús sín. Þá segir í bréfinu að engin kynning eða viðvörun hafi verið send íbúum við götuna áður en þetta hafi verið framkvæmt og telja bréfritarar að með þessari breytingu hafi hraðakstur aukist á götunni með tilheyrandi hættu.

Bréfritarar óska eftir að gatan verði gerð að einstefnugötu - að einungis verði heimilt að keyra upp Heimagötuna. Í niðurstöðu ráðsins segir að ráðið fresti erindinu og óskar eftir áliti umferðarhóps.