Páll Scheving Ingvarsson skrifar:

Maður með byssu

4.Ágúst'20 | 08:50
madur_med_byssu_af

Greinarhöfundur bendir á að vopnaðir vænisjúkir einstaklingar séu stórhættulegir.

Ég finn til með Jeffrey Ross Gunter, sendiherra Bandaríkjanna á Íslandi. Jeffrey líður örugglega mjög illa, hann finnur til mikils óöryggis á Íslandi og telur einu mögulegu lækninguna við þessari vanlíðan, að vopnast, bera á sér byssu. Ég vona að honum verði ekki að ósk sinni. Vopnaðir vænisjúkir einstaklingar eru stórhættulegir.

En Jeffrey er vorkun. Hann er Bandaríkjamaður. Þar sem menn státa sig mest af “frelsinu”. Þar finnst mönnum sjálfsagt og eðlilegt sé að allir gangi um vopnaðir og það eigi að sjálfsögðu að vera val hvers og eins. Það er víst hluti af frelsinu. Ég verð að setja spurningamerki við þannig frelsi. Líklega framleiðir það bara ofbeldi, ótta og menn eins og Jeffrey. Mörgum Bandaríkjamönnum líður nefnilega eins og sendiherranum.

Forseti Bandaríkjanna, sagði eftir hræðilegt fjöldamorð í framhaldsskóla, að það hefði ekki gerst ef kennarar væru allir vopnaðir. Forsetinn er djúpt hugsandi talsmaður frelsis og vopnaburðar. Hann var lýðræðislega kjörinn!

Mér hefur sem betur fer aldrei liðið eins og Jeffrey. Þegar ég velti því fyrir mér undir hvaða kringumstæðum ég vildi bera vopn, þá væri það hugsanlega helst að næturlagi í frumskógi þar sem fjöldi rándýra læðist um í leit að bráð. Kannski líður Bandaríkjamönnum þannig í daglega lífinu. Það er þeirra frelsi.

 

Páll Scheving Ingvarsson 

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.