Sýnum samfélagslega ábyrgð

30.Júlí'20 | 10:35
IMG_9879

Myndin er tekin þegar skimað var fyrir Covid-19 í Eyjum í vor. Ljósmynd/TMS

Covid stríðið geysar enn á Íslandi sem og annarstaðar í heiminum. Hér á landi var hægt að koma böndum á ástandið með samstilltu átaki þjóðarinnar. Nú hins vegar er veiran komin aftur á kreik. 

Fyrir dyrum stendur nú verslunarmannahelgin. Vissulega skrýtnasta verslunarmannahelgi í Vestmannaeyjum í rúma öld. ÍBV tók þá skynsamlegu ákvörðun að aflýsa Þjóðhátíð með öllu. Félagið gaf það út að það myndi ekki standa fyrir einum einasta viðburði þessa helgi. Eftir að sú ákvörðun var tilkynnt hefur staða Covid-mála versnað og er gríðarlega mikilvægt að fólk hlýði tilmælum og reglum sem settar eru fram af yfirvöldum.

Þrátt fyrir að ekki verði Þjóðhátíð má búast við talsverðum fjölda fólks í heimsókn til Eyja um helgina. Allar umsóknir sem sendar voru bæjarráði Vestmannaeyja er varða verslunarmannahelgina runnu í gegn athugasemdalaust, með þeim texta að bæjarráð veiti umsókninni jákvæða umsögn að því gefnu að farið sé að skilyrðum sýslumanns og með fyrirvara um jákvæða umsögn hlutaðeigandi eftirlitsaðila.

Þegar yfirvöld í Bretlandi afléttu samkomubanni hópuðust þarlendir á knæpurnar. Þar var haft á orði að ekki væri hægt að treysta landsmönnum til að virða fjarlægðarmörk þegar bakkus væri hafður um hönd. 

Það má því segja að nú sé aldrei mikilvægara en að sýna samfélagslega ábyrgð, svo að við þurfum ekki að upplifa svipaða tíma aftur og ofangreind mynd sýnir.

Göngum hægt um gleðinnar dyr. Góða skemmtun um verslunarmannahelgina.

 

Tryggvi Már Sæmundsson

Tags

COVID-19

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Tungumálafólk óskast til vinnu sem túlkar

10.Maí'21

Alþjóðasetur leitar að fólki í Vestmannaeyjum til starfa sem túlkar.  Góð kunnátta á móðurmáli og íslensku er skilyrði, auk góðrar færni í mannlegum samskiptum, stundvísi, háttvísi og trúnaður.  Starfið er unnið í verktöku og ráðast laun af fjölda verkefna. Vinnutími er frjáls og sniðinn að óskum hvers og eins.  Boðið er upp á gjaldfrjálst starfsþjálfunarnámskeið áður en störf hefjast. Umsókn ásamt ferilskrá sendist á asetur@asetur.is  

Fasteignasalan Eldey

11.Maí'21

Eldey fasteignasala.  Sími 861-8901.  Arndís M. Kjartansdóttir löggiltur fasteignasali.  Goðahrauni 1.  disa@eldey.net.  Lægsta söluþóknunin í Eyjum, 1 % fyrir einkasölu. 

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...