Petar Jokanovic áfram hjá ÍBV

Hann varði á köflum meistaralega í markinu og átti m.a. stóran þátt í sigri liðsins í bikarúrslitaleiknum gegn Stjörnunni í mars. Í tilkynningu frá ÍBV segir að Petar sé mjög ánægður með umhverfið og fólkið í Vestmannaeyjum og vildi því taka slaginn með félaginu aftur á næsta tímabili.

„Við hjá ÍBV erum ánægð með að hafa gengið frá samningi við Petar og hlökkum til samstarfsins í vetur.” segir enn fremur í tilkynningunni sem birt er á facebook-síðu handknattleiksdeildar ÍBV.