Hvetur sveitarfélögin til að lækka álagningarprósentu

23.Júní'20 | 08:54
sigurdur_ingi_joha

Sigurður Ingi Jóhannsson

Sigurður Ingi Jóhannsson, samgöngu- og sveitarstjórnarráðherra, sendi bréf með hvatningu til sveitarfélaga um að lækka álagningarprósentu til að koma til móts við hækkun fasteignamats. Er þá fyrst og fremst horft til atvinnuhúsnæðis.

Greint er frá þessu í Fréttblaðinu í dag. Þar er vitnað í bréf ráðherra, þar sem segir: „Ljóst er að tekjur sveitarfélaga af fasteignaskatti hafa hækkað verulega á umliðnum árum og því mikilvægt að halda aftur af frekari hækkunum á tímum sem þessum,“

Samkvæmt nýju fasteignamati Þjóðskrár hækkar matið um 1,85 prósent, sem þýðir 952 milljónir króna í auknar álögur. Þá hefur fasteignaskattur hækkað um 1,64 prósent, eða sem nemur 471 milljón.

Nýlega greindi Fréttablaðið frá að fasteignagjöld á atvinnuhúsnæði hefðu ekki verið hærri en nú og fyrirtæki landsins þyrftu að greiða 28 milljarða á þessu ári. Samkvæmt greiningu Samtaka iðnaðarins er þetta rúmlega 1 prósent af landsframleiðslu en var 0,7 prósent fyrir fimm árum.

Í flestum iðnvæddum ríkjum er hlutfallið 0,4 prósent. Samband íslenskra sveitarfélaga telur ekki þörf á sameiginlegri yfirlýsingu um lækkun álagningar. Flest sveitarfélög séu að skoða hvernig hægt sé að koma til móts við atvinnulífið. Aðstæður séu ólíkar milli sveitarfélaga og breytingar á fasteignamati misjafnar milli fasteigna innan þeirra, segir að endingu í frétt Fréttablaðsins.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).