Loðið mál verður enn óskýrara

13.Júní'20 | 10:48
IMG_2776

Frá fundi bæjarstjórnar. Ljósmynd/TMS

Húsakaup Vestmannaeyjabæjar á Íslandsbankahúsinu eru orðið hið undarlegasta mál í ljósi eftir á skýringa bæjarstjóra Vestmannaeyja. 

En bæjarstjórinn og formaður Lögmannsstofu Vestmannaeyja, sem er einnig lögmaður Vestmannaeyjabæjar eiga í krafti starfa sinna fyrir bæinn að gæta hagsmuna hans fyrst og fremst í störfum sínu.

Ef skoðað er orðalag bókunar bæjarstjórnar um málið má ljóst vera að til stóð að framselja húsið til Lögmannsstofu Vestmannaeyja. Í bókuninni segir:

„Á bæjarráðsfundi sem haldinn var þann 25. maí sl., kynnti bæjarstjóri drög að samkomulagi milli Vestmannaeyjabæjar og Íslandsbanka um kaup á húsnæði bankans við Kirkjuveg, sem hugsuð yrðu sem starfsaðstaða fyrir fjölskyldu- og fræðslusvið. Um er að ræða allan eignarhluta Íslandsbanka í húsinu fyrir 100 m.kr., en Vestmannaeyjabær mun framselja félag í eigu Lögmannsstofu Vestmannaeyja stóran hluta af 2. hæð hússins fyrir 15 m.kr. Samkomulagið var gert með fyrirvara um samþykki bæjaryfirvalda. Það liggur nú fyrir til ákvörðunar. ”

Þetta gæti í raun ekki verið skýrara og hreint með ólíkindum að sjá eftir á skýringar bæjarstjóra og bæjarlögmanns um málið. Bæjarlögmaður er vissulega að kaupa umrædda eign á bílskúrsverði. Bæjarstjórn staðfesti ofangreint, og það er í verkahring bæjarstjóra að fylgja eftir samþykktum bæjarstjórnar, en ekki breyta þeim.

Ekki verður annað séð en ef að eftir á skýringarnar séu hið rétta í málinu að þá sé málið komið í pattstöðu þar til að bæjarstjórn fundar aftur og fer yfir hina nýju málavexti. Samkvæmt öruggum heimildum Eyjar.net hefur það legið ljóst fyrir frá upphafi að Íslandsbanki vildi selja umrædda fasteign í einu lagi og því var ákveðið að fara þá leið að framselja stærstan hluta 2. hæðar í húsinu til Lögmannsstofunnar. Það sést einnig glögglega á þessu kauptilboði sem er undirritað af bæjarstjóra Vestmannaeyja þann 20. maí síðastliðinn. 

Að endingu vill ritstjórn Eyjar.net taka fram að fram kom í upphaflegu frétt miðilsins um málið að kaupverð Vestmannaeyjabæjar sé 206 þúsund per/fm sem bærinn kaupi á. Hið rétta er að fermetraverðið er 138 þúsund per fermeter. Beðist er velvirðingar á því. Allt annað í fréttinni stendur, og styður bókun bæjarstjórnar það - enda er það sem gildir en ekki eftir á skýringar sem halda varla vatni.

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...