Munu beita afli sínu í þeim tilgangi að verja störf félagsmanna sinna

20.Maí'20 | 23:59
hsu_raesting_sams

Ljósmynd/samsett

Á dögunum opinberaði Heilbrigðisstofnun Suðurlands fyrirætlanir sínar um að segja upp ræstingarfólki hjá stofnuninni vegna ,,skipulagsbreytinga“ og bjóða út ræstingar á starfstöðvum í Vestmannaeyjum og á Selfossi.

Er hér um afar hefðbunda leið stjórnenda, þ.e. að reka ræstingafólk þegar skera á niður í rekstri. Þetta segir í yfirlýsingu Starfsgreinasambands Íslands.

Sjá frétt Eyjar.net: Til stendur að segja ræstitæknum upp störfum

Enn fremur segir í yfirlýsingunni að þessir starfsmenn hafi undanfarnar vikur verið í framlínu þeirra sem barist hafa við farsóttina á heilbrigðisstofnunum um land allt. Ekkert smit hefur greinst á Heilbrigðisstofnun Suðurlands og á ræstingarfólkið stóran þátt í því.

„Þakkirnar sem ræstingarfólkið fær er að vera sagt upp sínu starfi strax í kjölfarið. Það ætti að vera öllum ljóst eftir undangengnar vikur að sterkar stofnanir sem reknar eru með almannahagsmuni að leiðarljósi hafa skipt öllu máli.

Starfsgreinasamband Íslands lýsir yfir fullum stuðningi við félagsmenn sína hjá Heilbrigðisstofnun Suðurlands og mun beita afli sínu í þeim tilgangi að verja störf þeirra og réttindi.” segir í yfirlýsingu Starfsgreinasambandsins.

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...