Íþróttamiðstöð Vestmannaeyja:

Nýju klefarnir teknir í notkun

19.Maí'20 | 09:06

Nýju búningsklefarnir voru teknir í notkun í morgun. Ljósmynd/Vestmannaeyjabær

Framkvæmdir á nýju klefunum hafa gengið vel og voru þeir opnaðir í morgun. Þó á enn eftir að fínpússa þá örlítið án þess þó að það skerði þjónustu.

Þetta segir Grétar Þór Eyþórsson, forstöðumaður Íþróttamiðstöðvar Vestmannaeyja á vef Vestmannaeyjabæjar. Hann segir að konurnar þurfi að bíða aðeins með að fá hárblásarana fram á ganginn á meðan við losum okkur alveg við veiruna.

Einnig er verið að ganga frá loftræstingu og mála vesturvegginn í sundlaugarsalnum. Í kringum næstu mánaðarmót ættu svo framkvæmdir á flísalögðum köldum potti að hefjast.

Sundlaugagestir eru beðnir um að huga vel að eigin sóttvörnum og er boðið upp á spritt við hvern inn- og útgang.