2,7 milljónir koma til Eyja vegna áhrifa Covid-19

Úthlutunin byggir á tillögum vinnuhóps sem ÍSÍ skipaði þann 25. mars sl. til að móta tillögur að skiptingu þeirra fjármuna sem renna frá ríkinu til íþróttahreyfingarinnar til að mæta áhrifum Covid-19 og samþykktar voru af mennta- og menningarmálaráðuneytinu og framkvæmdastjórn ÍSÍ. Tillögurnar bera með sér styrkúthlutanir til hreyfingarinnar, annars vegar með almennri aðgerð og hins vegar sértækri aðgerð.

Með almennu aðgerðinni er yfir tvö hundruð íþróttafélögum landsins veittur fjárhagslegur stuðningur vegna þess vanda sem samkomubannið hefur valdið. Úthlutunin er ekki íþyngjandi varðandi upplýsingagjöf frá félögunum því notaðar eru upplýsingar sem þegar liggja fyrir, segir í frétt á vef ÍSÍ.

Til aðildarfélaga ÍBV héraðssambands runnu samtals 2.680.483,- kr. sem skiptist þannig:

• Fimleikafélagið Rán 275.549
• Golfklúbbur Vestmannaeyja 221.783
• ÍBV Íþróttafélag 2.133.151
• Sundfélag ÍBV 50.000

Hér má sjá skiptinguna á milli félaga.