Uppfærð frétt

Til stendur að segja ræstitæknum upp störfum

14.Maí'20 | 16:12
IMG_0043

Heilbrigðisstofnun Suðurlands í Vestmannaeyjum. Ljósmynd/TMS

Til stendur að segja upp átta ræstitæknum sem starfa á Heilbrigðisstofnun Suðurlands í Vestmannaeyjum upp störfum og bjóða út ræstingar á stofnuninni.

Samkvæmt heimildum Eyjar.net stendur til að bjóða út ræstinguna við nokkrar af starfsstöðvum stofnunarinnar. Ræstitæknarnir átta eru samkvæmt sömu heimildum í 5,7 stöðugildum. 

Bæjarráð Vestmannaeyja fjallaði um málið á fundi sínum nú í hádeginu. Framkvæmdastjórn Heilbrigðisstofnunar Suðurlands, að undanskildum forstjóra, mætti á fund ráðsins til þess að gera grein fyrir málefnum stofnunarinnar og sér í lagi áhrifum af ákvörðun yfirstjórnarinnar um aðkeypta ræstingu á stofnuninni.

Skora eindregið á yfirstjórn HSU að draga umrædd áform til baka

Í afgreiðslu ráðsins segir að það sé nöturlegt til þess að hugsa að á sama tíma og atvinnuleysi eykst á Íslandi í kjölfar heimsfaraldurs Covid, skulu forsvarsmenn HSU áforma að segja upp starfsfólki í ræstingu við stofnunina í Vestmannaeyjum, sem unnið hefur undir miklu álagi á undanförnum mánuðum. Það eru kaldar kveðjur í ástandinu sem ríkir í samfélaginu á sama tíma og sveitarfélagið hefur markvisst unnið að því að tryggja störf og koma til móts við bæjarbúa, t.a.m. með frestun gjaldheimtu. Þar að auki hafa aðgerðapakkar ríkisstjórnarinnar miðað að því að verja störf, einkum og sér í lagi kvennastörf.

Bæjarráð Vestmannaeyja skorar eindregið á yfirstjórn HSU að draga umrædd áform til baka tafarlaust, segir í bókun ráðsins.

Ekki náðist í Díönu Óskarsdóttur, forstjóra HSU við vinnslu fréttarinnar en hún sagði fyrr í vikunni í samtali við Eyjar.net að von væri á yfirlýsingu frá stofnuninni í tengslum við málið.

Málið er á byrjunarreit

Uppfært kl. 18.24:

Díana Óskarsdóttir, forstjóri HSU segir í svari til Eyjar.net að verið sé að skoða mögulega kost þess að fara í útboð á ræstingum stofnuninnar og er það  gert með Ríkiskaupum. „Við erum á byrjunarstigi með málið en reiknum með að ef til þess komi að starfsfólk haldi að mestu sínum störfum. En málið er á byrjunarreit og því ekki hægt að svara fyrir um hvaða fyrirkomulag verður á málinu.”

 

Tungumálafólk óskast til vinnu sem túlkar

10.Maí'21

Alþjóðasetur leitar að fólki í Vestmannaeyjum til starfa sem túlkar.  Góð kunnátta á móðurmáli og íslensku er skilyrði, auk góðrar færni í mannlegum samskiptum, stundvísi, háttvísi og trúnaður.  Starfið er unnið í verktöku og ráðast laun af fjölda verkefna. Vinnutími er frjáls og sniðinn að óskum hvers og eins.  Boðið er upp á gjaldfrjálst starfsþjálfunarnámskeið áður en störf hefjast. Umsókn ásamt ferilskrá sendist á asetur@asetur.is  

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Fasteignasalan Eldey

11.Maí'21

Eldey fasteignasala.  Sími 861-8901.  Arndís M. Kjartansdóttir löggiltur fasteignasali.  Goðahrauni 1.  disa@eldey.net.  Lægsta söluþóknunin í Eyjum, 1 % fyrir einkasölu. 

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...