Uppfært: Aprílgabb Eyjar.net

Skemmtiferðaskip bíður þess að komast til Eyja

1.Apríl'20 | 09:42
lods_skemmtiferdaskip

Lóðsinn ferjaði lækni um borð í skipið í morgun. Ljósmynd/TMS

Fyrsta skemmtiferðaskip ársins bíður þess nú að komast til hafnar í Vestmannaeyjum. Skipið kom að Eyjum nú undir morgun, en beðið er heimildar yfirvalda til að fá að leggjast að bryggju.

Sveinn Rúnar Valgeirsson, skipstjóri á Lóðsinum segir að þeir hafi ferjað lækni um borð í morgun, sem kannaði ástand farþegana. „Skipstjóri skemmtiferðaskipsins segir alla í áhöfn og farþega vera við góða heilsu.” segir Sveinn.

Skipið liggur við akkeri við Bjarnarey, og ef að leyfi fæst má búast við að skipið komi að bryggju síðdegis í dag og er áætlað að stoppa í sólarhring í Eyjum.

Hafsteinn Daníel Þorsteinsson, læknir á HSU er um borð í skipinu. Hann segir í samtali við Eyjar.net að við fyrstu sýn virðist flestir hressir um borð. „Skipið er að koma frá Frakklandi og heldur áfram til Reykjavíkur á morgun. Það eru einhverjir þrír farþegar kvefaðir um borð. Við tökum sýni af þeim og meinum þeim að fara frá borði, fari svo að skipið fái heimild til að koma hér inn” segir Hafsteinn.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.