Flest sýni tekin í Eyjum miðað við íbúafjölda

23.Mars'20 | 14:51
maski_2020

Farnar hafa verið ýmsar leiðir í því að beita forvirkum aðferðum, skima ákveðna hópa og herða á sóttkví og einangrun.

Það eru tvímælalaust góðar fréttir að af öllum þeim tugum barna sem voru skimuð úr 1.-4. Bekk GRV var ekkert þeirra með kórónaveiruna. 

Ekkert sýni greindist heldur jákvætt hjá öllum þeim fjölmörgu sem sýni voru tekin hjá í 7. bekk. Svona hefst pistill Páleyjar Borgþórsdóttur, aðgerðarstjóra og lögreglustjóra í Vestmannaeyjum sem birtist á facebook-síðu lögreglunnar í Vestmannaeyjum.

Hún segir að börnin virðist ekki vera mikið útsett fyrir smiti eða vera að dreifa smiti og það eru gríðarlega góðar fréttir fyrir okkur öll. Tvö börn hafa þó greinst með veiruna hér annað 2ja ára og hitt 15 ára en þau eru ekki mikið lasin. Sá elsti sem greinst hefur hér er 77 ára.

Að undirlægi Hjartar Kristjánssonar, umdæmislæknis sóttvarna á Suðurlandi, sem stendur heldur betur í ströngu þessa dagana og hans frábæra starfsfólk á HSU, hafa verið tekin flest sýni á landinu miðað við íbúafjölda. Farnar hafa verið ýmsar leiðir í því að beita forvirkum aðferðum, skima ákveðna hópa og herða á sóttkví og einangrun. Við vonum svo sannarlega að þessar aðferðir skili árangri en að öllum líkindum eigum við enn eftir að fá fleiri smit, sérstaklega í hópi nánustu aðstandenda smitaðra.

Um 11% Vestmannaeyinga í sóttkví

Bent er á nýja möguleika á síðunni heilsuvera.is, nú geta allir sem eru í sóttkví eða einangrun heima:
1. Sótt um vottorð vegna COVID-19
2. Skráð tilkynningu um sóttkví í Heilsuveru (þetta á f.o.f. við þá sem eru að koma erlendis frá og eiga að vera í sóttkví af þeim sökum).

Það eru um 11% Vestmannaeyinga í sóttkví og það tekur í hjá öllum stéttum. Stöndum saman og aðstoðum hvert annað, gætum að sóttvörnum, virðum fjarlægðarmörk en spörum ekki brosið, segir að endingu í pistli Páleyjar.

Tags

COVID-19

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).