Hvetja til vitundavakningar vegna mengunar í sjó

22.Mars'20 | 13:08
oliublaut_pysja_2017

Lundapysja hreinsuð. Mynd/Sæheimar.

Í fréttum undanfarið hefur verið sagt frá sjófuglum hér í Vestmannaeyjum í fjörum við Dyrhólaey og Þorlákshöfn sem hafa verið mjög illa útleiknir af grút og olíu.

Fjölda fugla hefur verið komið til starfsfólks Sea Life hér í Eyjum sem hafa  hreinsað fuglanna og komið til bjargar. Talsvert hefur verið um grútarblauta fugla hér í höfninni og einnig hafa fundist olíublautir fuglar víðar á Heimaey. Þetta kemur fram í ályktun frá Náttúrustofu Suðurlands.

Jafnframt segir að stjórn Náttúrustofu Suðurlands vilji hvetja alla sem fara með efni sem geta valdið sjófuglum og eða umhverfi slíkri mengun að fara að öllu með gát, og gera allt sem í þeirra valdi stendur til að koma í veg fyrir að olía eða annað sem er lífríkinu hættulegt berist ekki í sjó.

Nú fer sá tími í hönd að sjófuglar fari að huga að uppsátri til varps því þurfa allir að vera vakandi yfir því að slík mengun sem hefur orðið mörgum fuglinum að aldurtila komist ekki í tæri við sjófugla hvorki innan hafnar né utan. Stöndum saman að vöktun og velferð sjófugla hér í Eyjum og við suðurströndina, segir í ályktun stjórnar Náttúrustofu  Suðurlands.

 

Fasteignasalan Eldey

11.Maí'21

Eldey fasteignasala.  Sími 861-8901.  Arndís M. Kjartansdóttir löggiltur fasteignasali.  Goðahrauni 1.  disa@eldey.net.  Lægsta söluþóknunin í Eyjum, 1 % fyrir einkasölu. 

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Tungumálafólk óskast til vinnu sem túlkar

10.Maí'21

Alþjóðasetur leitar að fólki í Vestmannaeyjum til starfa sem túlkar.  Góð kunnátta á móðurmáli og íslensku er skilyrði, auk góðrar færni í mannlegum samskiptum, stundvísi, háttvísi og trúnaður.  Starfið er unnið í verktöku og ráðast laun af fjölda verkefna. Vinnutími er frjáls og sniðinn að óskum hvers og eins.  Boðið er upp á gjaldfrjálst starfsþjálfunarnámskeið áður en störf hefjast. Umsókn ásamt ferilskrá sendist á asetur@asetur.is  

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...