Skipulagsráð hlynnt því að gerðar verði íbúðir á annari hæð atvinnuhúsnæðis

Fram kemur í fundargerðinni að eigendur fasteigna að Strandvegi 65, 65b, 67, 67b og 69 undirriti meðmæli með breytingum á notkun húsnæðis.

Í Niðurstöðu ráðsins um fyrirspurnina segir að ráðið sé hlynnt erindinu með vísan til ákvæða aðalskipulags fyrir svæði AT-5. Í aðalskipulagi stendur m.a að íbúðir séu heimilar á efri hæðum en skilyrt er að á jarðhæð skuli vera atvinnustarfsemi. Núverandi íbúum, væntanlegum íbúum og öðrum hagsmunaaðilum skal vera ljóst hvaða starfsemi á við og við svæðið fylgi umsvif s.s. vegna umferðar, hávaða og lyktar, sem eðlilegt er að fylgi slíkri starfsemi innan þeirra marka sem starfsleyfi geta um.