Bikarúrslit: ÍBV - Stjarnan

Fer bikarinn til Eyja í dag?

Leikurinn hefst klukkan 16:00 í Laugardalshöll

7.Mars'20 | 05:45
ibv_bikar_ads_hsi

Eyjamenn slógu Hauka út í undanúrslitunum. Í dag mæta þeir Stjörnunni í úrslitaleik. Ljósmynd/aðsend.

Stærsti leikur vetrarins til þessa verður leikinn í Laugadalshöll í dag. Þá mætast í úrslitum Coca Cola bikars karla lið ÍBV og Stjörnunnar. Óhætt er að segja að spennustig fyrir leikinn sé hátt og byrjaði sálfræðistríðið strax eftir undanúrslitaleikina á fimmtudaginn.

Eyjamenn eru sem stendur í sjötta sæti Olís deildarinnar með 24 stig og Stjarnan í því sjöunda með 17 stig. ÍBV hefur sigrað síðustu fimm leiki sína í deildinni en Stjarnan hefur unnið fjóra af síðustu sex. Liðin hafa tvisvar mæst í vetur í deildinni og í fyrra skiptið vann ÍBV örugglega í Eyjum en í það seinna fóru Stjörnumenn með sigur af hólmi. Það má því búast við hörkuleik í Höllinni í dag. 

Hitað upp á Ölver

Stuðningsmenn ÍBV hita upp á Ölver í Glæsibæ og byrjar fjörið kl.12:00. Miðasala á leikinn er inn á tix.is/ibv en einnig er miðasala á Ölver frá kl 12.00 til 15.00. Sala á þessum miðum rennur til ÍBV, sala miða í Laugardalshöll rennur til HSÍ. 2.500 kr fyrir fullorðna og 500 kr fyrir 6-15 ára.

Leikurinn hefst klukkan 16:00 og er sýndur beint á RÚV.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...

Glæný fýlsegg

17.Maí'22

Er kominn með glæný fýlsegg. Upplýsingar í síma 8693499, Georg.